.gif)
E levu na i tubutubu e ra sa vakaukauwataka tiko me vakawati na luvedra e na vuku ni kena sa tatara sara tiko vakalevu na dravudravua e na noda vanua.
Vakaraitaka na Women’s Crisis Centre ni levu vei ira na gone yalewa lalai oqo e sebera madaga ni ra yacova yani na yabaki me ra yalomatua kina.
Kaya na dareketa ni FWCC Shamima Ali ni ratou sa sotava oti e vuqa sara na kisi va qo, vakabibi na kena vakawati taki yani o ira na gone yalewa lalai vei ira na turaga qase sara.
Kaya ni so vei ira na gone yalewa oqo e ra vakaukauwataki mai vale me vaka ni sa sega na i lavo kei na kakana me vakani kina na lewe ni matavuvale.
Ia e so e ra sa cakava wale sara tu ga me ra drotaka kina na bula dravudravua.
“E dua na kisi mai Ra e a kune kina na yagona e dua na gone yalewa yabaki 15 ni sa musulaki tu na yagona.
“Keitou vabauta ni a volitaki na yalewa qo ki vua e dua na tagane qase ka mai vakaleqai koso na nona bula na gauna e mai tekivu kina na nodrau veimaliwai,” kaya ko Ali.
Vakaraitaka talega ko Ali ni sega tu ni dau kilai na kisi vaka oqo baleta ni dau yaco vakalevu e na taudaku ni koro lelevu.
