.gif)
E ratou sega tikoga ni vabauta na matavuvale nei Apakuki Vasimubu, 24, ni a vamatea na nona i tau ka kunati koya talega mai na baravi o Sovi mai Sigatoka e na macawa sa oti.
Sa ratou vakadeitaka na ovisa ni mate ko Imi Solini, 21, ni oti ga na kena mokulaki na uluna ka taura talega na nona bula ko Apakuki.
Vakaraitaka na nona talevu ko Apakuki, Aseri Waverilagi, 62, ni a rarawataka tiko o koya ni sega ni taleitaki Imi na nona matavuvale, ka ratou sega talega ni taleitaki koya na matavuvale nei Imi.
“Au a raici rau saraga nodrau gole tiko vaka ki Sovi na mataka ni Vakarauwai ka lesu taudua mai o koya ni rauta toka na tinikadua na kaloko. Valailai ga sa biubiu tale,” kaya ko Waverilagi.
“E sa dua na ka vakaloloma, vakabibi ni a bukete tu ko Imi.”
Kaya talega ni a tukuna vei Apakuki me ratou mai tiko vata me vaka ni rarawataka tiko na varau ni nona matavuvale.
Vakaraitaka e dua na tacina Nepote Kuriqama ni rau dau veivolekati sara kei Apakuki.
“Se qai tarogi yau tikoga o Kuki na siga ya se na vacava beka na i sau ni dua na vale e nakoro.”
“Au vabauta ni se qai saga tiko o koya me dua ga na nodrau vale vakaveiwatini.”
E a kune na yagodrau ruarua mai na veidogo mai Sovi.
