Veivuke na sotia e na sasamaki

January 20, 2009 03:08:34 PM

• A⁺ 
• A^-
• |
• 
• |
• 
• |
• 

E sivia e 100 na sotia e ra lai veivuke e na kena samaki na vei taoni mai na yasayasa vakara ni oti na vakacaca ni waluvu e na vica na siga sa oti.

Vakaraitaka na gusu ni vosa ni matanitu Major Neumi Leweni ni ra vakatalai e 150 na sotia i Nadi ka 50 ki na taoni o Ba.

“E vakacacani sara vakalevu ko Nadi, ya na vuna e levu kina mai kea na sotia, me ra veivuke vei ira na lewe ni vanua.

“E sega ni levu sara na vakacaca e Lautoka ka keitou rai tikoga vakalevu e na yasayasa vaka Nadi, Ba kei Sigatoka,” kaya ko Leweni.

E ra veivuke tale tikoga na sotia e na kena samaki na taoni mai Labasa ia e se sega ni matata tiko na gauna oqo se ra lewe vica e ra vakaitavi tiko.