Kune mate e rua, tekivu na veivaqaqai

January 20, 2009 02:44:27 PM

• A⁺ 
• A^-
• |
• 
• |
• 
• |
• 

E ratou vabauta na ovisa ni a vakayacori mai na baravi o Sovi mai Sigatoka e dua na kisi ni laba kei na kuna ni oti na kena kunei na yagodrau e rua e rau a veidomoni tiko.

Rau kune matemate tu na lewe rua oqo na yakavi ni Sigatabu.

Vakadeitaka ko turaga ni ovisa Vijay Singh mai na yasayasa vakara ni sa vakayacori oti na veisele vakavuniwai ka laurai ni a mate ko yalewa e na vuku ni mavoa levu e uluna, ka a mokulaki taumada, qai mai vakaliligi koya ga ko tagane.

“Oqo e dua na kisi ni laba kei na kuna ka kilakasamitaki ni a moku na ului yalewa ni bera ni vakaliligi koya ko tagane,” kaya ko Singh.

Tomana ka kaya ni vabauti ni rau a veidomoni tiko na lewe rua oqo ka ratou saga tiko na ovisa me na lai vakatarogi na nodrau vuvale ruarua.

“Keitou sa tomana tiko oqo na neitou veivaqaqai,” kaya tale ko Singh.