Lala na vale ni sa tubu na wai

January 12, 2009 04:57:08 PM

• A⁺ 
• A^-
• |
• 
• |
• 
• |
• 

E sivia na 6000 na lewe ni vanua era sa tiko ena 114 na vale ni vakaruru ena vuku ni draki ca ka ologa tiko na noda vanua ena gauna oqo.

E vakaraitaka oqo ko Joeli Cawaki, na dairekita ni Disaster Management Office, ka kaya ni wiliwili oqo e tauri na mataka ni kua ka namaki me na levu cake ni sa yakavi na vanua.

E levu taudua na vale ni vakaruru e na yasayasa vaka-Ra (77), ka tarava na wasewase e loma (35) kei na vualiku (2).

Kaya ko Cawaki ni ra sa tekivu kumuni tukutuku na vakalesilesi vakamatanitu ena kena dikevi se na veivuke cava me na vakarautaka na matanitu kivei ira na vakaleqai.

Cakacaka vata tiko kei na matanitu na tabana ni kauvelatai damudamu, na vale ni volavola ni Matabose kei Vuravura kei na veisoqosoqo tale eso.