.gif)
E vinakata na vunilawa ni matanitu me na bala e vale ni veivesu ko i rau na liuliu ni niusipepa na Fiji Times ena vuku ni dua na ivola ka tabaka ka vakasesewani kina na mataveilewai.
E sa vakatutu talega kina mataveilewai me na tau na totogi e dua na milioni na dola kina kabani.
Ena mataveilewai levu e dai, e kaya na vunivola levu ni lawa ni matanitu ko Christopher Pryde ni dodonu me rau vula ono e valeniveivesu ma manidia ni Fiji Times ko Rex Gardner kei na edita ko Netani Rika me ka ni vuli vei ira na dau vola tukutuku ena noda vanua.
Sa veilewaitaka talega na niusiveva na Daily Post na tabana ni lawa ni matanitu ka na rogoci tiko na nodratou vakamamasu ena ika tolu ni siga ni Epereli na yabaki mai oqo.
Rau sa vakadinadinataka na niusipepa e rua na nodrau cala ena nodrau tabaka na ivola nei dua na Eroni Navukitu.
Ena nona i vola e vosa beca kina ko Navukitu na vakatulewa ni tolu na turaga ni lewa ni mataveilewai e cake, oya ni sega ni cala vakalawa na vuaviri ni 2006.
Kaya ko Turaga ni Lewa Thomas Hickie ni gadreva me vakasamataka vinaka sara na totogi me na tauca kina Fiji Times ka me na dua na kena macala ena vula ko Janueri mai oqo.
