Me soro ko Bainimarama: Qaranivalu

December 02, 2008 08:45:27 PM

• A⁺ 
• A^-
• |
• 
• |
• 
• |
• 

E gadreva na Turaga na Qaranivalu ko Ratu Inoke Takiveikata me na kere veivosoti na liuliu ni matanitu vei na lewei Viti ni bera ni vakayacori na Bose Ni Turaga ena ika 16 ni vula oqo.

E a vosa tiko ko Ratu Inoke ena bose ni Turaga i Taukei e Vunidawa e dai.

Vakaraitaki ena retio yaloyalo na nodra sega ni marautaka na Qaranivalu na ivakarau ni mataivalu kei na matanitu tu vakawawa kina Bose Levu Vakaturaga kei ira na turaga ni noda vanua.
Kaya ko Ratu Inoke ni sa dodonu, ni bera ni vakayacori na Bose Ni Turaga, me na soro ko Bainimarama kei na nona matanit, ia me na “cakava e matana levu”.

Oqo e dua vei ira na tolu na ivakaro e sa vakadavora na turaga ni Naitasiri ni bera na nodra vakaitavi ena Bose Ni Taukei me na vakayacori ena keba ni mataivalu mai Nabua.

Era sega talega ni vinakata na Turaga I Taukei kei Naitasiri me na veitalanoataki na Yavutu ni Toso Ki Liu ka tokona tiko na matanitu tuvakawawa.

E a sa vakaraitaka oti na Matabose ni Yasana ko Naitasiri na nodra sega ni duavata kei na Yavutu se ‘Charter’.

Sa sureta na matanitu tu vakawawa e 285 na Turaga I Taukei mera tiko ena bose mai nakeba.

Ko Bainimarama e namaki me na sauma na vakaro mai Naitasiri ena gauna e tadu lesu mai kina I noda vanua ena Vakaraubuka, ni oti na bose mai Aferika.