.gif)
Sega ni macala na gauna oqo se na vakaitavi na turaga na Tui Namosi Ratu Suliano Matanitobua e na veivosaki kei na matanitu vakatawa.
Namaki me na vakayacori na nodra bose na marama kei na turaga bale e na noda vanua mai na keba ni mataivalu e Nabua.
Sa veisureti oti tiko na turaga na Paraiminisita vakatawa Voreqe Bainimarama.
E vakaraitaka ko Ratu Suli ni na vakatau saraga vua na vanua ko Nabukebuke na nona na vakaitavi se sega.
Ia e a tukuna taumada na Roko Tui Namosi, ko Samisoni Tuilawaki, ni sa veisautaka na lomana na Tui Namosi ka sa via tokona na matanitu nei Bainimarama.
E na i tekitekivu ni yabaki oqo e ra a sa lomavata na vanua ko Nabukebuke me ra duavata kei na Tui Namosi kei na i liuliu ni matanitu ko Burebasaga, Ro Teimumu Kepa e na kena saqati na matanitu vakatawa.
Sa vakaraitaka oti na Gone Marama Bale na Roko Tui Dreketi ni sa vaka me ka ni veiwali na nona veisureti ko Bainimarama vei ira na turaga bale vakabibi ni oti na nona a vakamadua taki ira na gauna e vakasivoi kina na Bose Levu Vakaturaga.
E tomana ko Ro Teimumu ka kaya ni na sega ni tokona ko Burebasaga na veivosaki oqo.
