Vakasukai mai nai lavo: taukei ni qele

November 10, 2008 11:38:36 AM

• A⁺ 
• A^-
• |
• 
• |
• 
• |
• 

E ra vinakata na i taukei ni qele mai Labasa me vakasukai lesu vei ira e rauta ni 20 na pasede na nodra i lavo ka musu mai vei ira me tauyavu kina na kabani na Labasa Tikina Holdings.

E a dau cicivaka tu na kabani na matavuvale na Qomate ka dau kena manidia levu tu na Tui Labasa ko Adi Salanieta Tuilomaloma.

Ia na gauna e mai veiliutaki kina ko Mosese Bulitavu e na 1998, a kunei ni a vakayagataki vakatawayaga tu e rauta ni ono na milioni na dola.

Dina ga ni sa kere veivosoti oti kina na Tui Labasa e na dua na soqo mai Nasekula na macawa sa oti, e se tomani tikoga na veivaqaqai vakaovisa.

Vakaraitaka ko Maikali Drauna mai na mataqali Wasavulu ni sa vakayacori tiko na musumusu mai na 1998 ka mai oti tale e na 2006.

“Keimami sa mai rogoca qo ni sega ni macala tu e ono na milioni na dola ka keimami kidacala taka saraga.

“Keimami vinakata me suka lesu mai na neimami lavo mai vei iratou na veiliutaki e liu kei na matavuvale na Qomate,” kaya ko Drauna.

E sega ni dua mai na i vakamacala mai vua na Tui Labasa.