.gif)
E ra vavinavinaka vakalevu na lewe ni koro mai Saivou, Macuata, Vanua Levu ni sa qai drodro rawa na wai mai na nodra paipo – ni oti e vica vata na yabaki na nodra sasaga tu.
Ko Saivou e koto sara e na loma i Macuata ka sebera vakadua ni bau dua tu na i vurevure ni wai vinaka.
Vakaraitaka e dua na i vakailesilesi vakamatanitu mai na vualiku, Filipe Cula ni dua na bula vakaloloma e ra bula taka tu mai Saivou e na kena dau dredre tu na vaqara wai.
“E koto sara ga ko Saivou e na vanua dravuisiga kei Macuata ka sega ni dau tau kina vakalevu na uca.
“E rauta ni 27 na matavuvale e tiko e na koro oqo. Mai na 27 na matavuvale oqo, e 104 na i wiliwili ni qase ka 71 na gone,” kaya ko Cula.
Vabauti ni na kena sa vakadrodrovi qo na wai, e na levu sara na veivakatorocaletaki e na yaco mai Saivou me vaka na caka vinaka ni vei valelailai.
