.gif)
Mai mate sara ko Karan Prasad na gone yabaki walu ka mai kama vakaca na gauna e vakawaqa rokete tiko kina e na gauna ni soqo ni Diwali e na macawa sa oti.
E yaco mai nona vale e Nausori na leqa oqo ka a mani civivaki sara yani e valenibula levu e Suva.
Ratou vakadeitaka mai na i lesilesi mai valenibula ni a mate e na tini ka dua na kaloko na bogi ni oti na nona mai davo macawa dua tu e na Intensive Care Unit.
Sa ratou vakadeitaka na ovisa ni na vakatarogi o rau na nona i tubutubu de a yaco na leqa oqo e na vuku ni nodrau vakawelewele.
Kaya na gusu ni vosa ni ovisa Atunaisa Sokomuri ni a vuka tale mai vei Karan na rokete e a vawaqaca tiko ka sega ni dro bula rawa ni sa totolo ga na kama ni nona i sulu.
