.gif)
E da na vuki lutu ga kevaka e da na rai tikoga e muri ka ia tikoga na veidusi, e kaya na Paraiminisita vakatawa Voreqe Bainimarama na gauna e dolava kina na bose e Suva na mataka e dai.
Kaya ko Bainimarama vei ira na lewe 14 na i liuliu ni veisoqosoqo vaka politiki e ra tiko rawa ni vinakata me cakacaka vata kei ira me toso e liu na noda vanua.
Ia e kaya ni sa kila tiko ni sega ni na rawarawa na toso oqo.
Vakaraitaka vei ira na lewe ni bose ni na veivosaki e dai e vakayacori me rawa ni ra vavarau e na veivosaki ni President’s Political Dialogue Forum, ka a vakatura tu na matabose ni vueti Viti e cake.
Ni oti na bose e dai, na veika kece e veivosakitaki e na qai volai me vakayagataki me i dusidusi ni vuqa tale na bose e na vakayacori e na dua na gauna lekaleka ga oqo.
