.gif)
E kaya na pati na Soqosoqo Duavata ni Lewenivanua ni sega ni na yaco na lomai Voreqe Bainimarama e na veivosaki ni macawa mai oqo.
Kaya na dareketa ni pati ko Peceli Kinivuwai ni sega ni na lewa ko Bainimarama na veika e ratou na vinakata yani.
Oqo ni oti na nona vakaraitaka na Paraiminisita tu vakawawa ni sega ni dua na pati e na lewa mai na i tosotoso e na vakarau namata kina ko Viti.
Ia e kaya ko Kinivuwai ni dodonu me savasava na veivosaki ni macawa mai oqo ka sega ni dodonu me caka na veivatotogani.
Kaya ko Kinivuwai ni na vinakata na SDL na veika vata ga e ratou kacivaka tiko na pati nei Mahendra Chaudhry – o ya me vakayacori na veidigidigi ka me rawa ni lesu ko Viti ki na bula vaka demokarisi.
