.gif)
E ra saga tiko na ovisa na gauna oqo me kau mai tuba na yagodrau e rua na turaga e tao tu e na loma ni dua na taqe ni tawa dhal na gauna e a kabasu kina mai na Flour Mills of Fiji e Walu Bay.
Mai yaco na veika oqo na mataka e dai.
Sega ni tauri rawa na i tukutuku e na gauna oqo, ke rau se bula tiko se sega.
Ratou vakaraitaka mai na ovisa ni a sinai vutuvutu tu na taqe oqo ka sa sega ni taura rawa na kena bibi.
E sinai yani e kea na mataka e dai na ovisa, dau boko buka kei ira na dau ni vola i tukutuku.
Tukuni ni sega ni dua na tamata cakacaka e na FMF e yali tiko na gauna oqo.
E ratou vakadeitaka ga mai na ovisa ni dua vei rau na rua e cakacaka tiko e na Neptune Shipping ka gole ga yani vakabisinisi e na FMF na mataka e dai.
