.gif)
Rairai e na mataveilewai na mataka e dai ko Peni Mau na i liuliu vakacegu ni Post Fiji e na noda vanua ka beitaki e na cakacaka vakailoa.
Beitaki ko Mau ni a vakadonuya e rauta ni $5400 me soli vua na manidia liu ni lavo Dhirendra Pratap.
Vabauti ni a tara ko Pratap na i lavo oqo ka sega ni ratou kila tu na tabana ni i sau toro cake e na noda vanua kei na matabose ni Post Fiji.
Tukuna ko turaga ni lewa Aminiasi Katonivualiku me waki vata ga na veibeitaki nei Mau kei na nei Pratap.
E ratou veibeitaki e na kisi oqo na matabose ni veivaqaqai ni cakacaka vakailoa.
Matataki ko Mau mai vei loya Devanesh Sharma.
E na kacivi tale na kisi e na Moniti mai oqo.
