.gif)
Namaki me ra na vakadeitaka ni mataka na i liuliu ni veisoqosoqo vaka politiki na nodra na sota yani kei na i liuliu vakatawa ni matanitu Voreqe Bainimarama e na macawa mai oqo.
Sa sureti ira tu ko Bainimarama me ra lai veivosaki taka e dua na gaunisala me toso kina e liu ko Viti.
Vinakata o koya me veivosaki taki talega e vica na i vakatutu ni veitalanoa e na President’s Political Dialogue Forum.
Kaya ko Bainimarama ni vinakati Dr Sitiveni Halapua mai na East West Centre kei Robin Nair me rau na vakadidike e na veitalanoa oqo.
Sa vakaraitaka oti ko Laisenia Qarase mai na Soqosoqo Duavata ni Lewenivanua ni na ciqoma na veisureti oqo ka vaka talega kina ko Mick Beddoes, na i liliu vakasivoi ni toa ni veisaqa.
Ia e na bose tiko na siga ni mataka na i lawalawa mai na Labour me na qai macala kina na nodratou vakatulewa.
E ra sureti talega na veisoqosoqo vakapolitiki vou me ra lai veivosaki e na Palimedi mai Veiuto na macawa mai oqo.
