.gif)
Vakaraitaka na Paraiminisita vakasivoi Laisenia Qarase ni sa rui dede na nodratou veiliutaki na matanitu tu vakawawa.
Tukuna na i liuliu ni Soqosoqo Duavata ni Lewenivanua vei ira na dau ni vola i tukutuku e na noa ni sega ni dau dede na nodra veiliutaki na matanitu tu vakawawa.
“Sa rua tale na yabaki na nodratou veiliutaki ka sa rui dede.”
Kaya ko Qarase na veika oqo na gauna e vakaraitaka tiko kina na nona kawai ni vakabera vakalevu na matanitu na kena vakayacori na veidigidigi.
Kaya talega ni ka ni rarawa ni sega ni vakaraitaka na mataveilewai levu e na vakatulewa ni macawa sa oti, e dua na tiki ni siga me vakayacori kina na veidigidigi.
Tukuna talega ko Qarase ni sega na i ulubale me kua ni caka na veidigidigi.
Ia sa vakaraitaka oti na matanitu tu vakawawa ni na vakavoui mada e liu na lawa ni veidigidigi ni bera ni vakayacori.
