Sega ni duavata na i soqosoqo ni loya e na noda vanua kei na matanitu vakatawa me vakaduri e dua na matabose me qarava vakatabakidua na kudru me baleti ira na loya.
Kaya na i liuliu vou ni soqosoqo, Dorsami Naidu ni cala na vunilawa vakatawa Aiyaz Sayed-Khaiyum e na nona via vakatura e dua na matabose tu vakataki koya.
“E sa vakarautaki oti tu na kena gacagaca e na noda lawa kau vabauta ni sega ni kila tiko na vunilawa na tikina oqo.
“Kevaka ga e sega ni cakacaka na tikina oqo, sa qai yaga beka me vakasamataki e dua na gaunisala e vinaka cake,” kaya ko Naidu.
Tukuna talega ko Naidu ni rawa ni ratou veilewai taka na matanitu kevaka e na vakaduri e dua na matabose me vaka e a vakaraitaka taumada ko Isireli Fa.
Sa vakadeitaki mai ni sa vakadonuya na bose yaco me na vakaduri e dua na matabose ka me na tekivu cicivaki e na yabaki mai oqo.
FIJIAN NEWS
Sega ni ra duavata na loya kei na matanitu
Post a Comment
Email this Story
Print this Story
Posted Comments
No comments, but you can post the first comment! FijiLive Comes To You:
