.gif)
Sa vakacegui tu vakalekaleka na veivosaki raraba ni Yavutu ni Veisau.
Vakadeitaka mai ko Jone Dakuvula mai na matabose ni vueti Viti e cake ni se vakadikevi tale mada na gauna me na toso kina na veivosaki oqo.
E dodonu me vakaoti taucoko na veivosaki e na Okotova oqo ia e sa toso tale me yacova na Tiseba.
E ra na bose na macawa qo na lewe ni matabose me na qai macala kina na tiki ni siga e na vakayacori tale na veivosaki raraba.
E na digitaki vou tale na timi me ra wavokiti Viti ka na veisoliyaki tiko na i vola ni yavutu me ra wilika ka kila vinaka na leweni vanua ni bera ni ra vakatulewa kina.
Ratou vakabauta tu na lewe ni matabose ni na levu sara na kena veitokoni, vakabibi ni na vakamacalataki vakavinaka vei ira na lewe i Viti.
Sa vakaraitaka oti na i liuliu ni matabose kei na Paraiminisita vakatawa Voreqe Bainimarama ni na vakayacori ga na veidigidigi kevaka e ciqomi na yavutu.
