.gif)
Ena rawa ni solia na nona veitokoni kina na matanitu tu vakawawa na Soqosoqo ni Duavata ni Lewenivanua.
Ia ena rawa oqo kevaka ena mau na veitalanoa ni liuliu vakapolitiki se President’s Forum.
Kaya na liuliu ni SDL ko Laisenia Qarase ni na vakasuka talega na nona soqosoqo na kisi kece ka veilewaitaka tiko kina na matanitu tuvakawawa.
E kaya ni veitalanoa ka kaciva na turaga na Peresitedi ena gaunisala duadua ga e rawa ni qarai kina na iwali ni leqa ka me tarai cake kina e dua na Viti vinaka.
Kaya ko Qarase ni vakauqeti na SDL me se baci bolea tale kina ena mataveilewai na cakacaka ni matanitu vakawawa kei na Matabose ni Vueti Viti baleta e sa dede tiko na kena tekivu na ‘Forum’.
E sa vakaraitaka talega na Paraiminisita tuvakawawa ko Komadoa Voreqe Bainimarama kina Matabose Cokovata kei Vuravura ni rarawataka talega na kena bera na tekivu ni veitalanoa vakapolitiki.
