.gif)
Mai mate koso e dua na dau sara vanua mai Mereke e na gauna e nunu tiko kina mai na dua na otela mai Sigatoka e na noa.
E ratou vakadeitaka mai na ovisa ni sega ni na vakaraitaki na yacana me yacova ni sa na tukuni vei iratou na wekana.
Kaya na gusu ni vosa ni ovisa Atunaisa Sokomuri ni a mate na turaga yabaki 53 qo ka vakaitikotiko mai na Reef Resort.
E mai yali vakasauri na gauna e nunu tiko kina e na tolu na kaloko na yakavi ni siga Tusiti.
E ra qai kunei koya e so e ra tiko vata e na i tikotiko oya ni sa ciri mate tu.
Na gauna e cicivaki kina e valenibula, sa mate tu.
Vakadeitaki ni na vakayacori vua na veisele vakavuniwai me macala kina na vu ni mate.
