Namaka na qaqa ko Suva e na soka

September 24, 2008 04:55:40 PM

• A⁺ 
• A^-
• |
• 
• |
• 
• |
• 

Nuidei na matatimi ni Suva ni na rawa ni lave rara e na sotasota ni Courts Homecentres Inter-District Championships e Ba e na vula vou.

Vakaraitaka na i liuliu ni soqosoqo ko Maretino Nemani ni sa seva na nodratou namaka na nodra vakaitavi na cauravou lewe ni timi ni koro turaga ka qito tiko mai Niu Siladi.

E na vakayacori na sotasota ni IDC e Ba e na matai ni macawa ni vula ko Okotova.

Eratou lewe ni kalavo na Wairarapa United mai Niu Siladi ko Laisiasa Vosailagi, Soromon Suele, Sakeo Vulavou kei Waisake Sabutu.

“Keitou kalouca ni ratou sega ni rawa ni na yaco mai na cauravou oqo,” kuria ko Nemani.
 
E vakacegu tiko ko Rabo me ono na macawa e na vuku ni mavoa ka ratou ogaoga e na qito vakalavo na vo ni cauravou.

“Keitou nuidei ni na rawa na lave rara e Ba ni toso vinaka tiko na vakavakarau e na veiliutaki nona na dauniveivakatavulici ko Oscar Tembo.”

E sa kere vakacegu ko Nemani mai na timi ni Suva ka kilakasamitaki ni na taura na I tutu vaka manidia ni timi ni Viti lewe ya vitu e na IRN 7s World Series.