Saga na SDL me tarovi na Yavutu

September 15, 2008 11:56:09 AM

• A⁺ 
• A^-
• |
• 
• |
• 
• |
• 

E na kerea tiko na pati na Soqosoqo Duavata ni Lewenivanua ki na mataveilewai levu e Suva me tarovi na kena veikauyaki tiko na Yavutu ni Veisau.

Vakaraitaka na gusu ni vosa ni SDL Peceli Kinivuwai ni ratou na kauta cake tiko na nodratou i vakatutu e na macawa oqo.

Kaya o Kinivuwai ni sa ratou cakacaka tiko e na tikina oya na nodratou loya.

“Keitou sega ni duavata kei na Yavutu oqo me vaka ni ratou a taura vakaukauwa na matanitu e na Tiseba ni 2006.

“Ka keitou vinakata me tarovi na kena veikauyaki kei na nodra vakayagataki tiko na vakailesilesi vakamatanitu me ra vakayacora na i tavi oqo,” kaya o Kinivuwai.

Tukuna talega ko Kinivuwai ni se bula vinaka tu na Yavu ni Vakavulewa e na noda vanua.

“Keitou vabauta ni rawa ni na raica matua na tikina oqo na mataveilewai,” kaya tale ko Kinivuwai.

E ra wavokiti Viti tiko na gauna oqo ko ira na i vakalesilesi vakamatanitu e na kena vakamacala taki tiko na Yavutu ni Veisau.

Vinakata na matabose ni vueti Viti e cake (National Council for Building a Better Fiji) me duavata kece na lewe ni vanua e na kena tokoni na Yavutu nib era ni na vakayacori na veidigidigi.