Toso na veivosaki ni Yavutu ni Veisau

September 08, 2008 09:12:15 AM

• A⁺ 
• A^-
• |
• 
• |
• 
• |
• 

Sa na tosoi tale na kena veitalanoataki na Yavutu ni Veisau, Sautu kei na toso ki liu (draft People’s Charter).

Vakadeitaka mai na veika oqo na turaga ka a monataka na yavutu oqo, ko John Samy.

E ra sa lesu mai na lewe ni matabose ni vueti Viti e cake (National Council for Building a better Fiji) e na veiyasa i Viti, e na kena vakamacalataki vei ira na lewe ni vanua na yavutu oqo.

E dodonu me a cegu na veivosaki, veitalanoa kei na vakamacalataki ni yavutu oqo e na mua ni vula oqo.

Vakaraitaka ko Samy ni lewe levu sara e ra sega ni se kila tu se cava e tu e na yavutu, se na kena i balebale.

Kaya ni na yaga me toso na gauna ni veitalanoa me rawa ni ra vakatulewa vinaka na lewe ni vanua e na kena tokoni na yavutu.