Veisau na Yavu ni Vakavulewa: Voreqe

August 26, 2008 12:01:01 PM

• A⁺ 
• A^-
• |
• 
• |
• 
• |
• 

Vakaraitaka na Paraiminisita tu vakawawa ni noda vanua Voreqe Bainimarama ni na veisautaki na Yavu ni Vakavulewa.

E na kena tavoci na veikauyaki ni Yavutu ni Veisau, Sautu kei na toso ki liu (draft People’s Charter) e na bogi, e kaya ko Bainimarama ni na veisautaki na Yavu ni Vakavulewa, vakabibi na lawa ni veidigidigi.

Ia e vakaraitaka na Paraiminisita vakasivoi Laisenia Qarase ni sega ni rawa ni vakayacori me vaka kina baleta ni sega ni vakalawataki tu.

Kaya ko Qarase ni kevaka me na vakayacori e dua na veisau, sa na rawa ga ke tiko na Palimedi.

Sa mai vakasivoi na Palimedi e na gauna e vakayacori kina na vuaviri ni Tiseba ni 2006.

Tukuna ko Qarase ni dodonu me ra na lave liga e sivia ni veimama na lewe ni Palimedi kevaka me na vakayacori e dua na veisau.

Vakaraitaka talega vaka kina ko Brij Lal, e dua na kena dau, ka kaya ni rawa ni na veilewaitaki na matanitu tu vakawawa ke vakayacori na veisau oqo.