.gif)
E levu na wiliwili ni taukei ni qele mai na vualiku era sa tu vakarau mera lisitaka na nodra qele.
E so era via tosoya na nodra lisi ka so era via vakavoutaka, e kuria na manidia liu ni Matabose Ni Qele Maroroi mai na vualiku ko Joreti Dakuwaqa.
E vosa tiko ko Dakuwaqa mai Savusavu ena bogi ena nona soli tukutuku vei na Paraiminisita tuvakawawa ko Voreqe Bainimarama.
Kaya ko Dakuwaqa ni 797 na lisi ka mai cava ena yabaki 1997 kina 2007 e sa vakavoutaki ka 278 e se bera.
Ena loma ni yabaki 2008 kina 2013, e na mudu tiko kina e 453 na lisi.
E namaki tiko me na vakavoutaki e 134 na lisi ka sa mai muduki.
Tukutuku vinaka oqo vei ira na dau teitei. E vuqa era sa toki tani mai na vualiku ka sa la’ki vakatikotiko ena veivanua volekati Suva ena nodra vakasaqara na nodra bula kei na nodra matavuvale.
Namaki mera na kalougata talega na itaukei ni qele baleta ni vakatekivutaki mai na vula oqo e sa na toso cake na rede ena qele itaukei.
