.gif)
Se baci vakaraitaka tale na Paraiminisita tu vakawawa ni noda vanua, ko Komodoa Voreqe Bainimarama ni sega tiko ni macala na tiki ni siga ni veidigidigi levu.
Vosa tiko vei ira na lewe ni 3FIR ko Bainimarama na mataka nikua ka kaya, ni rawa ga ni vakayacori na veidigidigi ni sa oti na nodratou ‘sasamaki’ na mataivalu ka me kau laivi na veicakacaka vakailoa
Tukuna ko Bainimarama ni so na dau ni politiki e ra via lewa tiko na gauna me vakayacori kina na veidigidigi.
E kaya ni se levu na ka e sebera ni vakaoti tu me vaka e so na veivaqaqai.
Tukuna talega ko Bainimarama me ra qarauni ira na sotia me kua ni ra vakarorogo vaka levu vei ira na dau ni politiki.
Vakaraitaka na Paraiminisita me ra dau kila na sotia na veika e yaco tu wavoliti ira.
Vakauqeti ira talega me ra saga me bokoca laivi vakadua na cakacaka vakailoa e na nodra dui tikotiko kei na nodra dui koro.
