.gif)
Sa vakadeitaka na vale ni volavola ni turaga na Peresitedi ni noda vanua ko Ratu Josefa Iloilo ni rau via veivuke mai na Commonwealth kei na matabose cokovata kei vuravura (United Nations).
Vakaraitaka na tabana ni vakau i tukutuku ni matanitu, ni marautaka sara vakalevu ko Iloilo na nodrau veitokoni na tabacakacaka oqo.
E a kerea na vale ni volavola ni Peresitedi me rau veitokoni mai na lewe rua oqo e na kena vakaduri e dua na matabose me tekivutaki na veivosaki vei ira na noda veiliutaki vakapolitiki.
Na kerekere ni veivuke oqo e ratou a vakauta yani na National Council for Building a Better Fiji (NCBBF), ni oti na nodratou cakitaka na soqosoqo vakapolitiki na National Federation Party (NFP), United People’s Party (UPP) kei na Soqosoqo Duavata ni Lewenivanua (SDL).
Namaki me na liutaka ko Sir Paul Reeves, na i vakalesilesi ni Commonwealth ki Viti, e dua na i lakolako ki na noda vanua me tekivutaki na veivosaki oqo.
