.gif)
Sa toso malua tiko na veivosaki me baleta na nodra buli na turaga na Vunivalu kei Bau.
Vakadeitaka ko Ratu Epenisa Cakobau ni sa vakayacori oti e vica na veitalanoa ena yanuyanu o Bau.
Kaya ko Ratu Epenisa ni namaka talega me na veitalanoa kei na Tabana ni Veitarogi Vanua ena macawa oqo me na vakamatatataki kina e vica na tikina ka tadre tiko.
Ko Ratu Epenisa e dua vei ira na va mai na matavuvale vakaturaga mai Bau ka nanumi tiko me na taura na tutu vaka Tui Kaba.
E oka tale tikoga ko Adi Samanunu Talakuli Cakobau, ko Ratu George Cakobau, kei Ratu Epeli Nailatikau.
Sa lala tu na tutu vaka-Vunivalu kei Bau me vakatekivu mai na 1989, na yabaki ka ra leqa kina na Vunivalu ko Ratu George Cakobau.
