.gif)
E na vakayacori tiko ni mataka na bose ni matabose e cake me na toso i liu ko Viti (National Council for Building a Better Fiji) e na otela na Tradewinds mai Lami.
Mai na 43 na tamata e ra a sureti, e 30 ga e ra sa ciqoma me ra lewena na matabose oqo.
E na dolava tiko na bose bibi oqo na turaga Peresitedi ni noda vanua Ratu Josefa Iloilo.
E rau na liutaka tiko na bose o rau na kena i liuliu – Paraiminisita tu vakawawa Voreqe Bainimarama kei na i liuliu ni lotu Katolika e na noda vanua, Petero Mataca.
Sa ra sureti raraba tale tu ga na i vakalesilesi liu ni veitabana ni matanitu me ra mai tiko e na gauna e na dolavi kina na bose.
E na tubera tiko na matabose oqo na gaunisala me muria na matanitu tu vakawawa me vaka ni se sega tiko na noda Palimedi.
