Namaki me rau na veitalanoataka na veisau kina Bose Yaco na Paraiminisita tuvakawawa kei Peresitedi Josefa Iloilo ni oti na Siga Ni Sucu.
E biuti Viti e nanoa ko Komadoa Voreqe Bainimarama ena lakolako vakaveisiko kina Tokalau e Loma.
E namaki me na lesu mai ko Bainimarama ena 24 ni Tiseba.
Sa dodonu me na yaco na veisau kina Bose Yaco ena tawase ni yabaki. Vakaraitaka ena ituvatuva vakailavo ni yabaki 2008 na Minisita ni Lavo tuvakawawa ko Mahendra Chaudhry ni na 14 taucoko na tabacakacaka ka ra na digitaki tale eso me ra taura na tutu vaka vukevuke ni Minisita.
Ena gadrevi mera vosa bubului mai Valelevu na Minisita vou ni bera na nodra ilesilesi vou.
