.gif)
Mai mate koso e dua na marama ni Niusiladi e na gauna e coqai koya kina e dua na waqa na gauna e nunu tiko kina mai na yatu Mamanuca.
Yabaki 26 na marama oqo ka tukuni ni se qai vakamau ga na macawa yani e muri. Rau a nunu vata tiko na watina e na gauna mai yaco kina na leqa oqo.
Ra vakadeitaka na ovisa ni a mavoa vakaca na nona qavokavoka e na gauna e lauti koya kina na i dini ni waqa.
Rau a yaco mai e na yatu Mamanuca na Lotulevu sa oti ka rau mani lai nunu sara ni oti ga na katalau na mataki ni siga Vakaraubuka.
Kainaki ni a draiva taka tiko na waqa e dua na tamata cakacaka mai na dua na otela voleka e kea.
Mani kauti koya sara na turaga oqo ka vukataki mai e na valenibula levu e Lautoka.
Tukuni ni sa mate tu na gauna e ratou yaco yani kina e valenibula.
Kaya na ovisa ni sa vakarau tiko me kau lesu tale na yagona ki Niusiladi.
