E rairai e na mataveilewai na yakavi e dai o Sakiusa Bulivorovoro ka beitaki ni a coqa mate e dua na gone yalewa yabaki 14, ka vakasa e valenibula na ganena yabaki 10.

Tukuni ni rau a taubale tiko e na gaunisala mai Kinoya na mataka ni Vakaraubuka sa oti na gauna e mai yaco kina na leqa oqo.

Basika ko Bulivorovoro e na mataveilewai nei Alofa Seruvatu e Nasinu ka sega ni se vakaraitaka vua na cala e beitaki tiko kina.

E ratou se waraka tiko na tabana ni ovisa na i tukutuku vakavuniwai ka me kilai kina na vu ni mate nei Ateca Katonivere.

E vala taki Bulivorovoro tiko ko Savenaca Komaisavai.

Tomani tale ni mataka na kisi ka namaki me na valataki na nona belemauti.

E se tauri tiko vakavesu na gauna oqo.